Quenes somos

O grupo RNASA-IMEDIR xorde no ano 1991 co obxectivo de levar a cabo traballos e proxectos de investigación relacionados coa Intelixencia Artificial, especialmente na Área de Sistemas Conexionistas, aplicando as Redes de Neuronas Artificiales á resolución de problemas complexos do mundo real, e abarcando, sobre todo, o ámbito da medicina.

O grupo créase aproveitando a formación do seu fundador e director, o Profesor Doutor Don Alejandro Celestino Pazos Sierra, Licenciado en Medicina e Ciruxía Xeral pola Universidade de Santiago de Compostela, Máster en Enxeñaría do Coñecmento pola Universidade Politécnica de Madrid, Doutor en Medicina pola Universidade Complutense de Madrid e Doutor en Enxeñaría Informática pola Universidade Politécnica de Madrid. Durante a traxectoria do grupo, varios dos seus membros colaboraron con distintos Laboratorios e Institutos de recoñecido prestixio como o GNU Lab de Georgia Tech en Atlanta (USA), o Decision System Group de Harvard Medical School en Boston (USA), o College of Computing do Georgia Institute of TEchnology, a Univ. Hull, etc. 

Grazas á obtención de fondos das distintas administracións públicas e contratos con empresas para o desenvolvemento de diversos proxectos, o grupo experimenta un constante crecemento, tanto en recursos humanos como materiais. Así, en 1998, grazas á obtención de fondos por parte da Unión Europea (FEDER), o grupo únese ao grupo de investigación da Área de Radioloxía e Medicina Física da UDC dirixido polo catedrático da Área de Radioloxía e Medicina Física Jorge Teijeiro Vidal, creando o que posteriormente sería o ‘Laboratorio de Informática Médica e Diagnóstico Radiolóxico (IMEDIR)’, o cal permite ao grupo especializarse no desenvolvemento de aplicacións informáticas en Biomedicina. No ano 2000, e debido aos logros obtidos polo grupo e ao constante crecemento do mesme, este é catalogado pola Xunta de Galicia segundo os Criterios do Plan Galego de IDT, como Grupo de Investigación de Excelencia.