A liña de investigación en Aprendizaxe Automática Avanzada e Optimización Intelixente para Sistemas Complexos (A³O-Intelligence) céntrase no desenvolvemento, análise e aplicación de técnicas de aprendizaxe automática e métodos de optimización baseados en intelixencia artificial para dar resposta a desafíos reais en múltiples dominios.
Esta liña integra tanto investigación fundamental —incluíndo a proposta de novos algoritmos e enfoques metodolóxicos, como DoME (Development of Mathematical Expressions), variantes evolutivas e métodos de aprendizaxe híbrida— como investigación aplicada orientada a resolver problemas complexos en contextos de alto impacto social e tecnolóxico. Entre as áreas de aplicación atópanse:
-
Medicina e saúde dixital: análise de sinais e imaxes biomédicas mediante aprendizaxe profunda e técnicas híbridas para diagnóstico asistido por computador e modelos preditivos.
-
Enxeñaría civil e infraestrutura intelixente: modelización e optimización de sistemas complexos mediante técnicas de ML e métodos evolutivos.
-
Enxames de vehículos aéreos non tripulados (UAVs/drones): planificación de traxectorias, coordinación e control mediante aprendizaxe por reforzo e algoritmos adaptativos.
-
Aprendizaxe Federada e sistemas distribuídos: deseño de esquemas eficientes para aprendizaxe colaborativa en contornas heteroxéneas.
-
Sistemas de predición e alerta para fenómenos ambientais (como floracións algais nocivas —HABs): modelos preditivos baseados en aprendizaxe automática para prevención e xestión.
-
Loxística intelixente e optimización de procesos: aplicación de técnicas de ML para a toma de decisións automatizada e planificación de recursos.
A liña A³O-Intelligence explora sinerxías entre procesamento avanzado de datos, computación evolutiva, aprendizaxe profunda e algoritmos de optimización, cun enfoque integral que abrangue desde a formulación teórica ata a implementación e avaliación en problemas reais. A variedade de contextos de aplicación reflicte o compromiso coa transferencia do coñecemento científico a solucións efectivas en sectores con alto potencial de impacto.
Os membros serían:
-
Daniel Rivero Cebrián (Investigador principal)
-
Enrique Fernández Blanco (Investigador principal)
-
Alejandro Puente Castro (Investigador)
-
Andrés Molares Ulloa (Investigador)
-
Iván Ramírez Morales (Investigador externo)
-
Jonathan Aguilar (Doutorando)
-
Kary García (Doutoranda)
-
Pedro Guijas Bravo (Doutorando)
En canto ás entidades colaboradoras temos as seguintes:
-
CSIC
-
INTECMAR
-
Universidade Técnica de Machala
-
Blekinge Institute of Technology
