Alejandro Pazos Sierra, elixido colexiado de honra
O Colexio Profesional de Enxeñaría en Informática de Galicia, CPEIG, acordou por unanimidade (na súa asemblea xeral do pasado 21 de maio) recoñecer a Alejandro Pazos como Colexiado de Honra. A distinción será entregada no marco da oitava edición dos premios anuais do CPEIG que se entregarán o vindeiro 3 de xuño no Hotel-Monumento San Francisco, en Santiago de Compostela.